PM Suraksha Bhima Yojana Telugu

 

PM Suraksha Bhima Yojana ( PMSBY ) Telugu

• PM Suraksha Bhima Yojana అంటే ఏమిటి?

ప్రధాన మంత్రి సురక్ష బీమా యోజన –
ఈ పథకం 18 నుండి 70 సంవత్సరాల వయస్సు గల వ్యక్తులకు ప్రయోజనాలు కల్పిస్తుంది. ఆసక్తి ఉన్నవారు ప్రతి సంవత్సరం  జూన్ 1 నుండి మే 31 వరకు పధకం లో చేరవచ్చు.  పధకం రెన్యువల్ కోసం మే 31 లోపు  ప్రీమియం అమౌంట్ ఆటో-డెబిట్ ఎనేబుల్ చేయడానికి మీ ఖాతా ఉన్న బ్యాంకు కు మీరు అనుమతిని  తెలియజేయవలసి ఉంటుంది.  బ్యాంక్ ఖాతాకు ఆధార్  KYC కూడా  అవసరం అవుతుంది.

ఈ పథకం కింద ప్రమాదవశాత్తు మరణం మరియు పూర్తి వైకల్యం కవరేజ్ కు రూ .2 లక్షలు   మరియు  పాక్షిక వైకల్యానికి రూ. 1 లక్ష రూపాయల వరకు అందుతుంది. సంవత్సరానికి ప్రీమియం రూ.12 ఖాతాదారుడి బ్యాంక్ ఖాతా నుండి ‘ఆటో-డెబిట్’ సౌకర్యం ద్వారా  తీసివేయబడుతుంది. పబ్లిక్ సెక్టార్ జనరల్ ఇన్సూరెన్స్ కంపెనీలు మరియు  ఏవైనా ఇతర జనరల్ ఇన్సూరెన్స్ కంపెనీలు ఈ పథకాన్ని అందిస్తున్నాయి.

 

 

• ముఖ్యంశాలు ( Features )

*ప్రతి సభ్యునికి ప్రీమియం మొత్తం సంవత్సరానికి కేవలం రూ .12 పాలసీదారుని ఖాతా నుండి ఆటో-డెబిట్ చేయబడుతుంది.

*ఈ పథకంలో బలహీన వర్గాలను పాల్గొనేలా ప్రోత్సహించడానికి ప్రభుత్వం  ప్రీమియం ను  నామమాత్రంగా నే  ఉంచింది.

 

• PMSBY  ప్రయోజనాలు ( Benefits)

1. రిస్క్ కవరేజ్  ప్రమాదవశాత్తు మరణం లేదా  శాశ్వత వైకల్యం కోసం రూ  2 లక్షలు మరియు పాక్షిక వైకల్యానికి రూ  1 లక్ష రూపాయలు లభిస్తాయి.

2. శాశ్వత వైకల్యం అంటే రెండు కళ్ళు పూర్తిగా కోల్పోవడం లేదా తిరిగి పొందలేని నష్టం లేదా రెండు లేదా ఒక చేయి కోల్పోవడం లేదా పాదం యొక్క ఉపయోగం లేకపోవడం.

ఇక్కడ  పాక్షిక వైకల్యం అనేది కంటి చూపు కోల్పోవడం లేదా కాళ్ళు, చేతులు  కోల్పోవడం వంటివి మరియు కోలుకోలేని విధంగా ఉండటం.
పథకంలో కవర్ చేయబడిన మరణం లేదా వైకల్యానికి దారితీసే కారణాలు:-

వైకల్యం/మరణానికి కవరేజ్ వర్తిస్తుంది.
ప్రమాదాలకు వర్తిస్తుంది
సహజ విపత్తులు వర్తిస్తుంది
ఆత్మహత్య కు లేదు
హత్య కు వర్తిస్తుంది.

 

• ఈ పథకంలో కి ఎప్పుడు చేరాలి? ( Enrollment Period )

ఎన్‌రోల్‌మెంట్ పీరియడ్ ప్రతి సంవత్సరం జూన్ 1 నుండి మే 31 వరకు ప్రారంభమవుతుంది, అనగా ఒక సంవత్సరం వ్యవధి ఉంటుంది. ఇది వార్షిక పథకం కాబట్టి ఆటో డెబిట్ కోసం ప్రతి సంవత్సరం మే 31 లోపు బ్యాంకుకు అనుమతి పత్రం ఇవ్వాలి.

 

• PMSBY కి ఎవరు అర్హులు? ( PMSBY Eligibility )

18-70 సంవత్సరాల మధ్య వయస్సు గల సింగిల్ లేదా జాయింట్ అకౌంట్  కలిగిన వ్యక్తిగత బ్యాంక్ ఖాతాదారులందరూ PMSBY పథకంలో చేరడానికి అర్హులు.

గమనిక:-
ఒకవేళ ఒకవ్యక్తి బహుళ బ్యాంకులలో బహుళ ఖాతాలను కలిగి ఉంటే, అతను ఒక బ్యాంకు ఖాతా ద్వారా మాత్రమే పథకంలో చేరడానికి అవకాశం ఉంటుంది.

ఇంకా జాయింట్ అకౌంట్ కల్గి ఉన్న వారు కూడా  ఈ స్కీమ్‌లో చేరడానికి అనుమతించబడతారు.
NRI లు కూడా ఈ పథకంలో చేరవచ్చు. అయితే, క్లెయిమ్ చేసే  సందర్భంలో, లబ్ధిదారుడు లేదా నామినీకి భారతీయ కరెన్సీలో మాత్రమే  చెల్లిస్తారు.

 

• PM Suraksha Bhima Yojana   ఎలా పనిచేస్తుంది? ( Example )

25 సంవత్సరాల వయసు కలిగిన Mr. రాజకుమార్ ఈ స్కీం లో సంవత్సరానికి 12 రూపాయలు ప్రీమియం చెల్లెస్తున్నాడునుకొందాం!

కాబట్టి మళ్ళీ వచ్చే సంవత్సరం వరకూ 2 లక్షలు భీమా కవరేజ్ వర్తిస్తుంది.

ఈ స్కీం సమయం మధ్యలో రాజకుమార్ కి ఆక్సిడెంట్ జరిగి మరణించినట్లయితే 2 లక్షల భీమా అతని కుటుంబానికి గవర్నమెంట్ అందిస్తుంది.

ఒకవేళ అకౌంట్ కారణం చేత రాజకుమార్ డిసబిలిటీ కి గురైయితే ( ప్రాథమిక అవయవాలు అయిన కాళ్ళు, కళ్ళు, చేతులు…. మొదలైనవి  కోల్పోయిన ) భవిష్యత్ లో అతను పనిచేయడం సాధ్యం కాదు కనుక లక్ష రూపాయలను ఆక్సిడెంటల్ డిసబిలిటీ రూపంలో రాజకుమార్ కి లభిస్తాయి.

అందువల్ల ప్రతీ ఒక్కరూ PMSBY స్కీం ప్రయోజనాలు పొందే ప్రయత్నం చెయ్యండి.

 

PPF Scheme in Telugu -” పబ్లిక్ ప్రొవిడంట్ ఫండ్” అర్హతలు, నియమాలు, పూర్తి వివరాలు!

 

NPS Scheme Details In Telugu Pdf – “సామాన్యులను కోటీశ్వరులు చేసే గవర్నమెంట్ స్కీం ”  పూర్తి వివరాలు!

 

LIC Arogya Rakshak Plan In Telugu -” కుటుంబం మొత్తానికి ఒక్కటే ఆరోగ్య పాలసీ ” పూర్తి వివరాలు ఉదాహరణ ద్వారా !

 

• క్లెయిమ్  ప్రాసెస్ చేయడం ఎలా? (  PM Suraksha Bhima Yojana  Claim Process )

ప్రధాన మంత్రి సురక్ష బీమా యోజన ప్రమాదవశాత్తు మరణం మరియు వైకల్యం కవరేజీని అందిస్తుంది. ఇది డాక్యుమెంటరీ ఆధారాల ద్వారా నిర్ధారించబడుతుంది. బీమా చేయించుకున్న వ్యక్తి ప్రమాదవశాత్తు మరణించినట్లయితే, ఆ ప్రమాదం గురించి  పోలీస్ స్టేషన్‌లో ఫిర్యాదు చేయాలి మరియు ఆలస్యం చేయకుండా ఆసుపత్రి రికార్డుల ద్వారా స్పష్టం చేయాలి. బీమా చేసిన వ్యక్తి నమోదు ఫారంలో పేర్కొన్న నామినీ పాలసీని   క్లెయిమ్  చేయవచ్చు.

ప్రత్యేకంగా వికలాంగుల క్లెయిమ్ విషయంలో, బీమా మొత్తాన్ని పాలసీదారుడి బ్యాంక్ ఖాతాకు జమ చేస్తారు. పాలసీ తీసుకున్న ఆ వికలాంగుడు  మరణించినట్లయితే, నామినీకి డెత్ బెనిఫిట్స్ చెల్లించబడుతాయి.

• PMSBY పధకాన్ని అందిస్తున్న బ్యాంకుల వివరాలు

అలహాబాద్ బ్యాంక్
యాక్సిస్ బ్యాంక్
బ్యాంక్ ఆఫ్ ఇండియా
బ్యాంక్ ఆఫ్ మహారాష్ట్ర
భారతీయ మహిళా బ్యాంక్
కెనరా బ్యాంక్
కేంద్ర బ్యాంకు
కార్పొరేషన్ బ్యాంక్
దేనా బ్యాంక్
ఫెడరల్ బ్యాంక్
HDFC బ్యాంక్
ఐసిఐసిఐ బ్యాంక్
IDBI బ్యాంక్
ఇండస్ఇండ్ బ్యాంక్
కేరళ గ్రామీణ బ్యాంక్
కోటక్ బ్యాంక్
ఓరియంటల్ బ్యాంక్ ఆఫ్ కామర్స్
పంజాబ్ మరియు సింధ్ బ్యాంక్
పంజాబ్ నేషనల్ బ్యాంక్
సౌత్ ఇండియన్ బ్యాంక్
స్టేట్ బ్యాంక్ ఆఫ్ హైదరాబాద్ ,ఇండియా,ట్రావన్ కోర్
సిండికేట్ బ్యాంక్
UCO బ్యాంక్
యూనియన్ బ్యాంక్ ఆఫ్ ఇండియా
యునైటెడ్ బ్యాంక్ ఆఫ్ ఇండియా
విజయ బ్యాంక్.

 

• ప్రధాన మంత్రి సురక్ష బీమా యోజన కోసం ఎలా దరఖాస్తు చేయాలి?( How To Apply?)

ఈ పథకాన్ని ప్రభుత్వ రంగ జనరల్ ఇన్సూరెన్స్ కంపెనీలు (PSGIC లు) మరియు ఇతర జనరల్ ఇన్సూరెన్స్ కంపెనీలు బ్యాంకుల సహకారంతో నిర్వహిస్తాయి. పధకంలో  చేరాలనే వ్యక్తి అనుబంధ బ్యాంక్ లేదా బీమా కంపెనీని సంప్రదించడం ద్వారా లేదా ప్రభుత్వ వెబ్‌సైట్-
https://www.jansuraksha.gov.in/Forms-PMSBY.aspx నుండి ఫారమ్‌ను డౌన్‌లోడ్ చేసుకోవచ్చు .

PMSBY స్కీం ను బ్యాంకులు SMS లేదా నెట్ బ్యాంకింగ్ ద్వారా  దరఖాస్తు చేసుకోవడానికి సౌకర్యం  అందిస్తున్నాయి.

 

SMS ద్వారా పథకంలో నమోదు చేరడానికి క్రింది సూచనలు అనుసరించండి.:-

ఇందులో మొదటగా వ్యక్తి యాక్టివేషన్ SMS అందుకుంటారు.
ఆవ్యక్తి తప్పనిసరిగా SMS కి ‘PMSBY Y’ గా ప్రతిస్పందించాలి.
తర్వాత అతడు రసీదు ను మెసేజ్ రూపంలో  అందుకుంటాడు.
అతని సేవింగ్  ఖాతాలో అందుబాటులో ఉన్న సమాచారంతో బ్యాంక్  ఆ అభ్యర్థనను ప్రాసెస్ చేస్తుంది.

సేవింగ్స్ ఖాతా నుండి నామినీ, నామినీ తో  సంబంధం మరియు పుట్టిన తేదీ యొక్క  వివరాలను బ్యాంక్  అప్డేట్  చేస్తుంది. ఒకవేళ సమాచారం అందుబాటులో లేనట్లయితే, స్కీమ్ కోసం దరఖాస్తు చేసుకోవడానికి వ్యక్తి దగ్గర లో ఉన్న బ్యాంకు బ్రాంచ్‌కు వెళ్లవలసి ఉంటుంది.
ఏదైనా కారణం చేత ఆటో-డెబిట్ లావాదేవీ విఫలమైతే, బీమా రక్షణ అమలులో ఉండదు.

 

నెట్ బ్యాంకింగ్ ద్వారా పథకంలో నమోదు చేయడానికి క్రింది దశలు అనుసరించండి:-

మొదట ఇంటర్నెట్ బ్యాంకింగ్ అకౌంట్ కు లాగిన్ అవ్వండి.
భీమా ఆప్షన్ మీద క్లిక్ చేయండి.
ప్రీమియం చెల్లించడానికి ఉపయోగించబడే అకౌంట్ ను గుర్తించండి.
అన్ని వివరాలను ధృవీకరించిన తర్వాత  నిర్ధారణ చేయండి.
రసీదుని డౌన్‌లోడ్ చేసి,  భవిష్యత్తు సూచన కోసం దానిని సేవ్ చేయండి.
పొదుపు బ్యాంకు ఖాతాలో ఇంతకు ముందే చేర్చిన నామినీ వివరాలను మీరు ఎంపిక చేసుకోవచ్చు  లేదా కొత్త నామినీని చేర్చవచ్చు.

 

• ఏఏ సందర్భంలో ఈ పథకం రద్దు కావచ్చు? (PMSBY  Dis connecting )

ఈ క్రింది సంఘటనలలో ఏదైనా జరిగినప్పుడు పథకం రద్దు చేయబడుతుంది:

*వ్యక్తికి 70 సంవత్సరాలు పూర్తి అయినప్పుడు.
*బ్యాంక్ ఖాతా మూసివేయడం లేదా తగిన బ్యాలెన్స్ లేకపోవడం.
*ఒక వ్యక్తి బహుళ బ్యాంకు ఖాతాలు కల్గి ఉంటే, అతని  ప్రీమియం రసీదు అనుకోకుండా భీమా సంస్థ గమనిస్తే, PMSBY బీమా కవరేజ్  ఒక ఖాతాకు మాత్రమే పరిమితం చేయబడుతుంది మరియు ప్రీమియం జప్తు  చేయబడుతుంది.

 

PMSBY స్కీం గురించి తరచూ అడిగే ప్రశ్నలు ( Q & A ):-

 

1. PMSBY పథకం కోసం ఏదైనా  టోల్ ఫ్రీ నంబర్ ఉందా?

జవాబు: ఔను. PMSBY ఈ టోల్ ఫ్రీ నెంబర్ కలిగి ఉంది. 1800-180-1111 or 1800-110-001 ఏదైనా వివరాలు కోసం మరియు సందేహాల కోసం ఫోన్ చేయండి.

2. ప్రధాన మంత్రి సురక్ష బీమా యోజన సర్టిఫికెట్‌ను డౌన్‌లోడ్ చేయడం ఎలా?

జవాబు: మీకు సేవింగ్స్ అకౌంట్ ఉన్న బ్యాంక్‌ని సంప్రదించాలి మరియు దీని ద్వారా మీరు ప్రధాన మంత్రి సురక్ష బీమా యోజన పథకం కోసం రిజిస్టర్ చేసుకొని PMSBY సర్టిఫికెట్‌ను డౌన్‌లోడ్ చేసుకోవచ్చు.

3. ప్రధాన మంత్రి సురక్ష బీమా యోజన ఖాతా స్థితి (status)ని నేను ఎలా ట్రాక్ చేయాలి?

జవాబు: PMSBY ఖాతా స్థితిని ట్రాక్ చేయాలనుకుంటే మీ అకౌంట్ ఉన్న  బ్యాంక్ వెబ్‌సైట్‌ను సందర్శించాలి. ఆ బ్యాంకు లో మీరు సేవింగ్ బ్యాంకు ఖాతా కలిగి ఉంటారు, అదేవిధంగా PMSBY పథకం కోసం దరఖాస్తు చేసి ఉంటారు.
PMSBY అప్లికేషన్ స్థితిని ట్రాక్ చేయడానికి మీ అకౌంట్ మరియు అప్లికేషన్ నంబర్‌ను నమోదు చేసి, ఆపై ‘సమర్పించు’ (submit) ఆప్షన్ పై క్లిక్ చేయండి. ” ఇప్పుడు మీ PMSBY  అప్లికేషన్ యొక్క స్టేటస్ వివరాలు చూపుతుంది.

4. అధిక ఆదాయo కలిగిన వారికి ఈ స్కీం వర్తిస్తుందా?

జవాబు :- సామాన్య మరియు మధ్య తరగతి కుటుంబాలను దృష్టిలో ఉంచుకొని గవర్నమెంట్ ఈ పథకాన్ని ప్రవేశపెట్టడం జరిగింది.

https://financialservices.gov.in/

ముగింపు :-

PMSBY పూర్తి వివరాలు వివరించడం జరిగింది… ధన్యవాదములు