Pm Jeevan Jyothi Bhima Yojana Details In Telugu
Pm Jeevan Jyothi Bhima Yojana
• ప్రధాన్ మంత్రి జీవన్ జ్యోతి బీమా యోజన అంటే ఏమిటి?( What is PMJJBY )
ప్రధాన్ మంత్రి జీవన్ జ్యోతి బీమా యోజన కేంద్రప్రభుత్వం ద్వారా (PMJJBY) 2015 లో ప్రారంభించబడింది. జీవన్ జ్యోతి బీమా యోజనలో మెచ్యూరిటీ గడువు ముగిసేలోగా ప్రమాదవశాత్తూ భీమా తీసుకున్న వ్యక్తి (అతడు లేదా ఆమె) మరణిస్తే నామినీకి, అంటే పాలసీదారుల కుటుంబానికి రూ.2 లక్షల వరకు ఆర్థిక తోడ్పాడు అందించడమే ఈ స్కీమ్ ప్రధాన ఉద్దేశం.
ప్రతి ఏడాది రూ.330 ప్రీమియం చెల్లించాల్సి ఉంటుంది. దీని ద్వారా రూ.2 లక్షల రూపాయల లైఫ్ ఇన్సూరెన్స్ కవరేజీ మీకు లభిస్తుంది. ఈ పథకం ప్రభుత్వ మరియు ప్రైవేట్ రంగ బీమా కంపెనీల ద్వారా షెడ్యూల్ చేయబడిన వాణిజ్య బ్యాంకులు, ప్రాంతీయ గ్రామీణ బ్యాంకులు మరియు సహకార బ్యాంకులలో అందుబాటులో కలదు.
ఇంతకుముందు దేశ జనాభాలో ఎక్కువ మందికి బీమా కవరేజ్ అందుబాటులో లేనందున, సమాజంలోని పేద మరియు వెనుకబడిన వర్గాలను చేర్చాలనే లక్ష్యంతో, ఈ సాంఘిక భద్రతా పథకం ‘సబ్కే సాథ్ సబ్ కా వికాస్’ నినాదం తో సమాజ అభివృద్ధి కోసం స్ఫూర్తిని పెంపొందించడానికి రూపొందించబడినది.
• ప్రధాన మంత్రి జీవన్ జ్యోతి బీమా యోజన ప్రయోజనాలు ( PMJJBY Features )
ప్రధాన మంత్రి జీవన్ జ్యోతి బీమా యోజనలో కొన్ని ముఖ్యమైన అంశాలు ఈ క్రింది విధంగా ఉన్నాయి.
1. నమోదు కాలం – (PMJJBY Enrollment Period )
ప్రధాన మంత్రి జీవన్ జ్యోతి బీమా యోజన యొక్క నమోదు కాలం ప్రతి సంవత్సరం జూన్ 1 నుండి తర్వాతి సంవత్సరం మే 31 వరకు ఉంటుంది. నమోదు సమయంలో, పాలసీ దారులు తమ ఆటో – డెబిట్ కు ( అకౌంట్ నుంచి ఆటోమేటిక్ గా అమౌంట్ కట్ అయ్యే విధంగా )సమ్మతిని నమోదు చేసుకోవాలి. ఒకవేళ జూన్ 1 తర్వాత పాలసీని కొనుగోలు చేయాలనుకుంటే, వారు చేరిన నెల నుండి పాలసీ యొక్క సంవత్సరం ప్రీమియం మొత్తాన్ని ఒకేసారి చెల్లించాలి.
2. లైఫ్ కవరేజ్ – ( Pm Jeevan Jyothi Bhima Yojana Coverage )
ప్రధానమంత్రి జీవన్ జ్యోతి బీమా యోజన పథకం కింద, బీమా చేసిన వ్యక్తి దురదృష్టవశాత్తు మరణించిన సందర్భంలో, నామినీకి రూ .2 లక్షల కవరేజీని అందిస్తుంది. లబ్ధిదారునికి అందించే కవరేజ్ మొత్తానికి పన్ను ఉండదు. ప్రధాన మంత్రి జీవన్ జ్యోతి బీమా యోజన సరళమైన మరియు ఎలాంటి ఇబ్బందులూ లేని సులువైన క్లెయిమ్ ప్రక్రియను అందిస్తుంది.
PPF Scheme in Telugu -” పబ్లిక్ ప్రొవిడంట్ ఫండ్” అర్హతలు, నియమాలు, పూర్తి వివరాలు!
SBI life Smart future Choices In Telugu – “అవసరం వచ్చినప్పుడల్లా అడిగి తీసుకోండి “
3.కవరేజ్ ఎంత సమయం లభిస్తుంది? -( PMJJBY Tenure )
బీమా ని తీసుకొన్న మొదటి రోజునుంచి 1 సంవత్సరం కాలపరిమితితో కవరేజీని అందిస్తుంది. జీవిత బీమాపథకం వలె (టర్మ్ పాలసీ) బీమా చేయబడిన వ్యక్తి ప్రతి సంవత్సరం PMJJBY పథకాన్ని 55 సంవత్సరాల వయస్సు వచ్చే వరకు రెన్యువల్ చేసుకోవచ్చు. ఒకవేళ బీమా చేసిన వ్యక్తి ప్లాన్‌ను నిలిపివేయాలనుకుంటే, అతను/ఆమె ప్లాన్ రెన్యువల్ చేయకుండా ఆపి వేయవచ్చు.
అదేవిధంగా కావాలనుకొంటే బీమా చేయబడిన వ్యక్తి హెల్త్ సర్టిఫికేట్ అందించి మరియు పాలసీ ప్రీమియం చెల్లించడం ద్వారా ఈ పథకంలో ఎప్పుడైనా చేరవచ్చు.
4. ప్రధాన మంత్రి జీవన్ జ్యోతి బీమా యొక్క ప్రీమియం ఎంత? – ( PMJJBY Premium )
ప్రధాన మంత్రి జీవన్ జ్యోతి బీమా యోజన పథకం కింద సంవత్సరానికి రూ .330 కనీస ప్రీమియం తో బీమా కవరేజీని అందిస్తుంది. PMJJBY పథకం తక్కువ ఆదాయం కలిగిన వ్యక్తుల పెట్టుబడికి లాభదాయకమైన ఎంపిక అని చెప్పవచ్చు. ఇక పాలసీ ప్రీమియం 18 సంవత్సరాల నుండి 50 సంవత్సరాల మధ్య ఉన్న అన్ని వయస్సుల వారికి ఒకే విధంగా ఉంటుంది.వేరు వేరు వయసుల వారికి వేరు వేరు గా ఉండదు.
ప్రీమియం మొత్తం ఎంత ఉంటుంది?
ప్రతి వ్యక్తికి సంవత్సరానికి ప్రీమియం మొత్తం రూ .330. ప్రీమియం పూర్తి వివరాలు ఇలా ఉంటాయి.
• బీమా కంపెనీకి PMJJBY పథకం ప్రీమియం ఒక్కో సభ్యునికి సంవత్సరానికి = రూ. 289/-
•బ్యాంక్ లేదా ఏజెంట్‌కు ఖర్చుల రీయింబర్స్‌మెంట్ ప్రతి సభ్యునికి సంవత్సరానికి = రూ. 30/-
• బ్యాంకు పరిపాలనా ఖర్చుల రీయింబర్స్‌మెంట్ ఒక్కో సభ్యునికి సంవత్సరానికి = రూ.11/-
5. పన్ను- ప్రయోజనం – (PMJJBY Tax Benefit )
PMJJBY పథకం కోసం చెల్లించిన ప్రీమియం కు ఆదాయపు పన్ను సెక్షన్ 80C కింద పన్ను మినహాయింపు వర్తిస్తుంది.
ఒకవేళ పాలసీ దారుడు ఫారం 15 G/15 H ని సమర్పించక పోతే, 2% పన్ను విధించబడుతుంది.
6. ప్రీమియం చెల్లింపు విధానం- (Payment mode)
PMJJBY భీమా తీసుకున్న వ్యక్తి యొక్క సేవింగ్ బ్యాంకు ఖాతా నుండి, బ్యాంక్ ప్రీమియంను ఆటో-డెబిట్ చేస్తుంది. పాలసీ ప్రీమియం చెల్లించడానికి ఇది ఏకైక మార్గం. ప్రధాన మంత్రి జీవన్ జ్యోతి బీమా పథకం యొక్క (రెన్యువల్) పునరుద్ధరణ కాలం మే 25 నుండి 31 మే మధ్య ఉంటుంది. రెన్యువల్ ప్రీమియం కూడా పాలసీదారుని సేవింగ్ బ్యాంకు ఖాతా నుండి ఆటో డెబిట్ చేయబడుతుంది. ఒకవేళ బీమా చేసిన వ్యక్తి పాలసీని నిలిపివేయాలనుకుంటే, ప్రీమియం చెల్లింపు తగ్గింపును (deduction) నిలిపివేయాలని, అతను/ఆమె పాలసీని క్యాన్సిల్ చేస్తున్నట్లు ఒక లెటర్ ను సమర్పించాలి.
7. PMJJBY రెన్యూవల్ – ( PM Jeevan Jyothi Bhima Yojana Renewal )
PMJJBY పధకం లో పేర్కొన్న విధంగా ఒక సంవత్సరం రిస్క్ కవరేజీని అందిస్తుంది. ఏదేమైనా, ఇది రెన్యువల్ పాలసీ కాబట్టి దీనిని ప్రతి సంవత్సరం రెన్యువల్ చేసుకోవచ్చు. అంతేకాకుండా, మీ సేవింగ్స్ బ్యాంక్ ఖాతాకు లింక్ చేయబడిన ఆటో-డెబిట్ ఎంపిక ద్వారా పాలసీదారుడు ఒక సంవత్సరం కంటే ఎక్కువ సంవత్సరాల పాటు రెన్యువల్ ఆప్షన్ను ఎంపిక చేసుకోవచ్చు.
Example :-
•ఈ భీమా పనిచేసే విధానం ఉదాహరణ ద్వారా తెలుసుకొందాం!( PMJJBY Example )
పాలసీదారుని పేరు – Mr.ప్రసాద్
వయసు – 20 సంవత్సరాలు
పాలసీ సమయం – 35 సంవత్సరాలు
జీవన్ భీమా – 2 లక్షలు
ప్రీమియం చెల్లించే విధానం – సంవత్సరానికి ఒకసారి
సంవత్సర ప్రీమియం = Rs 330/-
ప్రసాద్ ఈ పాలసీలో 2 సంవత్సరాలు ప్రీమియం చెల్లించినట్లయితే Rs 330/- రూపాయలు చొప్పున చెల్లించిన మొత్తం ప్రీమియం వచ్చి = Rs 660/- అవుతుంది..
కానీ Mr. ప్రసాద్ పాలసీ సమయం మధ్యలో సాధారణంగా లేదా ఆక్సిడెంట్ కారణంగా మరణిస్తే భీమా 2 లక్షలు కట్టిన ప్రీమియంతో సంబంధం లేకుండా నామినికి లేదా కుటుంబ సభ్యులకు అందివ్వడం జరుగుతుంది. అందువల్ల సామాన్య వ్యక్తులకి జీవన్ జ్యోతి భీమా ఒక బెస్ట్ టర్మ్ ఇన్సూరెన్స్.
• PMJJBY మెచ్యూరిటీ బెనిఫిట్ – ( PMJJBY Maturity Benefit )
ఇది స్వచ్ఛమైన టర్మ్ ఇన్సూరెన్స్ ప్లాన్ కాబట్టి, PMJJBY పధకంలో స్కీం ముగిసిన తర్వాత ఎటువంటి మెచ్యూరిటీ లేదా సరెండర్ బెనిఫిట్లు లభించవు.
• ప్రధాన మంత్రి జీవన్ జ్యోతి బీమా యోజన పథకం కు ఎవరు అర్హులు? – (PMJJBY Eligibility )
1. సేవింగ్ బ్యాంక్ అకౌంట్ ఉన్న 18-50 సంవత్సరాల మధ్య వయస్సు గల ఎవరైనా ఈ పథకంలో చేరవచ్చు.
2. మీకు ఎక్కువ బ్యాంక్ ఖాతాలు ఉన్నప్పటికీ, మీరు ఈ పథకానికి ఒక సేవింగ్ బ్యాంక్ ఖాతా ద్వారా మాత్రమే సభ్యత్వం పొందవచ్చు.
3. పాలసీ అందించే ప్రయోజనాలను పొందడానికి, మీ ఆధార్ కార్డును మీ బ్యాంక్ ఖాతాకు లింక్ చేసి ఉండాలి.
4. పాలసీ డిక్లరేషన్ ఫారమ్‌లో పేర్కొన్న ఏవైనా క్లిష్టమైన అనారోగ్యాల తో అతను/ఆమె బాధపడటం లేదని రుజువు చేయాలి.
ఇందుకోసం 31 ఆగస్టు 2015 – 30 నవంబర్ 2015 వరకు ప్రాథమిక ఎన్రోల్మెంట్ కాలం తర్వాత PMJJBY పథకంలో చేరిన పాలసీదారులు డాక్టర్ చేత స్వయంగా ధృవీకరించబడిన వైద్య ధృవీకరణ పత్రాన్ని సమర్పించాల్సి ఉంటుంది.
• PMJJBY స్కీం లో ఏవిధంగా చేరాలి? – (How to enter PMJJBY)
ఒక వ్యక్తి తాను పొదుపు ఖాతాను కలిగి ఉన్న బ్యాంక్ ద్వారా ఈ పథకంలో చేరవచ్చు. ఈ పథకం LIC మరియు ఇతర ప్రైవేట్ జీవిత బీమా కంపెనీల ద్వారా నిర్వహించబడుతుంది. నమోదు చేసుకోవాలనుకునే వారు ఒక సంవత్సరంలో ఎప్పుడైనా పూర్తి వార్షిక ప్రీమియం మొత్తాన్ని చెల్లించడం ద్వారా నమోదు చేసుకోవచ్చు. ఈ పథకం నుండి తొలగిపోయిన వారు కూడా వార్షిక ప్రీమియం చెల్లించి తిరిగి చేరవచ్చు.
• PMJJBY పథకంలో బీమా సొమ్మును క్లెయిమ్ చేయడం ఎలా? – ( PMJJBY Claim Process )
PMJJBY పథకం యొక్క క్లెయిమ్ పరిష్కార ప్రక్రియ చాలా సరళమైనది మరియు ఇబ్బంది లేనిది.
లబ్ధిదారుడు చేయవలసిన పనులు:-
1. బీమా చేసిన వ్యక్తి దురదృష్టవశాత్తు మరణించినట్లయితే, నామినీ, బీమా చేసిన వ్యక్తి యొక్క బ్యాంకును సంప్రదించాలి. బీమా చేసిన వ్యక్తి యొక్క సేవింగ్ బ్యాంకు అకౌంట్, భీమా పథకానికి అనుసంధానించబడి ఉంటుంది. నామినీ పాలసీదారుని యొక్క మరణ ధృవీకరణ పత్రాన్ని బ్యాంకులో అందజేయాలి.
2. తర్వాత నామిని, బ్యాంక్ మరియు బీమా కంపెనీల నుండి క్లెయిమ్ ఫారమ్‌ను సేకరించాలి.
3. నామినీ క్లెయిమ్ ఫారమ్‌ని తీసుకున్న తర్వాత, అతను/ఆమె ఫారమ్‌ను పూర్తిగా నింపాలి. మరియు డిశ్చార్జ్ రశీదు, డెత్ సర్టిఫికెట్ , క్యాన్సిల్ చేసిన చెక్కు జిరాక్స్ కాపీ, నామినీ బ్యాంకు వివరాలు లేదా పాలసీదారుని బ్యాంక్ ఖాతా వివరాలు అంద చేయాలి.
బ్యాంక్ తీసుకునే చర్యలు:-
1. నామిని అందజేసిన బ్యాంక్ ఫారం మరియు పత్రాలను ధృవీకరిస్తుంది.
2 . ధృవీకరణ తర్వాత, బ్యాంక్ ఆ పత్రాలను పాలసీ కు చెందిన బీమా కంపెనీకి సమర్పిస్తుంది.
బీమా కంపెనీ చేపట్టే చర్యలు:-
1. బ్యాంక్ నుండి క్లెయిమ్ ఫారం మరియు సంబంధిత పత్రాలను స్వీకరించిన తర్వాత, బీమా కంపెనీ దాఖలు చేసిన క్లెయిమ్‌ను వారి వైపు నుండి సెటిల్ చేయడానికి ధృవీకరిస్తుంది.
2. విజయవంతంగా వెరిఫికేషన్ చేసిన తర్వాత, క్లెయిమ్ అమౌంట్ మొత్తం లబ్ధిదారుని బ్యాంక్ ఖాతాకు బదిలీ చేయబడుతుంది.
క్లెయిమ్ చేసిన తర్వాత, క్లెయిమ్ మొత్తాన్ని ఆమోదించడానికి మరియు పంపిణీ చేయడానికి బీమా కంపెనీ గరిష్ట కాల వ్యవధి 30 రోజులు తీసుకుంటుంది.”
• PMJJBY కూలింగ్ పీరియడ్ – ( PMJJBY Cooling Period )
ఈ పధకంలో మీకు 45 రోజులు కూలింగ్ పీరియడ్ ఉంటుంది. ఈ సమయంలో పాలసీదారునికి రిస్క్ జరిగితే ఎటువంటి క్లెయిమ్ లభించదు.46 వ రోజు నుంచి ఎప్పుడైనా ఈ మొత్తం క్లెయిమ్ వర్తిస్తుంది.
కానీ ఆక్సిడెంట్ సమయంలో ఈ కూలింగ్ పీరియడ్ వర్తించదు,ఇమ్మీడియేట్ గా ట్రీట్మెంట్ అందివ్వడం జరుగుతుంది.
ఒకవేళ సేవింగ్స్ బ్యాంక్ ఖాతా కూడా ప్లాన్‌తో ముడిపడి ఉంటే, పాలసీ రద్దు చేయబడుతుంది.
ఏదైనా కారణంతో పాలసీ రద్దు చేయబడితే, ప్రీమియం మొత్తాన్ని పూర్తిగా చెల్లించి, మరల ఆరోగ్యానికి సంబంధించిన ఆధారాలతో దాన్ని పునరుద్ధరించవచ్చు.
ప్రతి సంవత్సరం మే 25 నుండి మే 31 వరకు అనుబంధ బ్యాంక్ నుండి ప్రీమియం మొత్తం అకౌంట్ నుంచి నేరుగా తీసివేయబడుతుంది.
• వెబ్ సైట్ మరియు టోల్ ఫ్రీ నెంబర్‌ – ( PMJJBY Toll Free Number )
https://www.jansuraksha.gov.in/Forms-PMJJBY.aspx
ఈ పథకానికి సంబంధించిన అన్ని వివరాలను తెలుసుకోవడానికి ఈ కింద ఇచ్చిన టోల్ ఫ్రీ నెంబర్‌కు కాల్ చేయవచ్చు.
1800 180 1111
PMJJBY గురించి తరచూ అడిగే ప్రశ్నలు – Q/A
1). ఈ పథకం కింద కవరేజ్ అంటే ఏమిటి?
ఈ పథకం కింద జీవిత బీమా పాలసీదారు మరణించిన సందర్భంలో పాలసీ లబ్ధిదారునికి రూ. 2 లక్షలు కవరేజ్ అందుతుంది.
2). నేను వేరొకరి కోసం PMJJBY ను కొనుగోలు చేయవచ్చా?
లేదు.No
3). చెల్లించిన ప్రీమియంపై ఏదైనా జిఎస్‌టి వర్తిస్తుందా?
లేదు. No
4). భూకంపం, వరద వంటి ప్రకృతి వైపరీత్యాలు మరియు ఇతర మూర్ఛ వ్యాధుల వలన సంభవించే మరణాన్ని PMJJBY కవర్ చేస్తుందా?
పైన పేర్కొన్న అంశాలు అన్నిటిని PMJJBY మరణాన్ని కవర్ చేస్తుంది కాబట్టి ఈ సంఘటనలన్నీ కవర్ చేయబడతాయి.
5.). ఇతర జీవిత బీమా ఉత్పత్తులకు విరుద్ధంగా, PMJJBY కింద ప్రయోజనం అనేది బీమాదారుడి మరణం తర్వాత బీమా చేసిన నామినీకి మాత్రమే చెల్లించబడుతుంది. సాధారణ జీవిత బీమా పాలసీలలో లభించే మెచ్యూరిటీ ప్రయోజనం లేదా సరెండర్ విలువ ఎందుకు లేదు?
PMJJBY కవరేజ్ మరణ భద్రత కోసం మాత్రమే, అందువల్ల నామినీకి మాత్రమే ప్రయోజనం లభిస్తుంది. PMJJBY అనేది స్వచ్ఛమైన టర్మ్ ఇన్సూరెన్స్ పాలసీ, ఇది మరణాలను మాత్రమే కవర్ చేస్తుంది.
మెచ్యూరిటీ బెనిఫిట్స్, సరెండర్ వాల్యూ మొదలైనవి అందుబాటులో ఉన్న ఇతర జీవిత బీమా పాలసీలతో పోలిస్తే ధర కూడా తక్కువే. సమాజంలోని బలహీన వర్గాలకు జీవిత బీమా రక్షణ కల్పించడానికి ఇది ప్రత్యేకంగా రూపొందించబడింది.
6. PMJJBY పూర్తి పేరు ఏమిటీ? – ( PMJJBY Full Form )
ప్రధానమంత్రి జీవన్ జ్యోతి భీమా యోజన – Pradhanmantri Jeevan Jyoti Bhima yojana
•ఈ యోజన ఎక్కడ ఎలా అప్లై చెయ్యాలి? కావలసిన డాకుమెంట్స్ ఏమిటి? – ( PMJJBY Required Documents?)
ఈ స్కీమ్ మీకు ఎల్.ఐ. సి ( LIC ) సంస్థలో , ఇతర బ్యాంకుల్లో లభిస్తుంది.
కావలసిన డాకుమెంట్స్ :-
1. ఆధార్ కార్డు ( Adar Card)
2. రేషన్ కార్డు ( Ration Card )
3. ఓటర్ ఐడి ( Voter ID )
4. డేట్ అఫ్ బర్త్ ( Date Of Birth )
• ముగింపు ( Conclusion )
PMJJBY పధకానికి సంబందించిన పూర్తి సమాచారాన్ని మీకు అందించానని భావిస్తున్నాను, ఏదైనా ఇన్ఫర్మేషన్ మరచినట్లైతే మన్నించి క్రింద కామెంట్ రూపంలో తెలియచేయండి.
ఈ వెబ్సైటు ద్వారా అన్ని ఇన్సూరెన్స్ పాలసీలతో పాటు, గవర్నమెంట్ పథకాలు, బ్యాంకు స్కీమ్స్, పోస్ట్ ఆఫీస్ పథకాలు మరియు చిన్న తరహా వ్యాపారాల యొక్క వంద శాతం మంచి సమాచారాన్ని అందిచడం ముఖ్య ఉద్దేశం.